السلام عليكم
كيفهم أحبابي أعضاء منتدى (زهوري نت) كل ابوهم
من دون استثناء<< وش عندها قلبت عربجيه
المهم مآعلينا
بس لزوم نحط مقدمه<< خخخ فاشله بالمقدمات
موضوعي لكم اليوم رآح تستمتعون فيه
عن رحله خطييرره (اللي كلامها أكثر من صورها) :غقب:
تبون تعرفون هالرحله وين !!
امممم
((بيت مهجور))
ايه من جدي لاتطالعون فيني كذا
أدري وش تقولون بأنفسكم لأني أقرى الأفكار
قاعدين تقولون
(الحين هذي رحله ممتعه) !!
بقول لكم سالفتي اشلون قررت أدخله بالرغم من اني أكثر وحده بالعآلم خوافه
كنت جالسه فبيت عمومتي وطليت من الشباك بعد العصر والجو كان ضباب يجنن
وجت عيني فهالبيت(المهجور)
وقامت الأفكار والتساؤلات تتراقص براسي الزغنون فديتني<< طيب اخلصي علينآ
وكل اشوي اسأل اللي حولي
اشلون هجروه !! وكيف شكله من جوا !!
وكيف عيشتهم !! وهل فيه حشرات جوآ << خخخ عليها سؤآل
المهم
وحده من بنات عمي بعد ماغثيتها وانتفخ راسها من اسألتي
قالت لي وش رايك نروح
وانا من دون تردد قلت موافقه
وعلطووول طلعنا واخذت بنتي معي هههههه
وصلنا ربع الطريق والدنيا تمطر يازين الجو وقتها
ورجعنا البيت أخذنا مظلات وكملنا المشوار
وبهذلتني بنتي أخذت المظله الكبيره وعطتني الصغيره هههههه طالعه لامهآ
المهم نكمل حديثنآ
وصلنا عند باب البيت
/
\
/
بنت عمي شجاعه ماتعرف الخوف فكت الباب
وانا كنت وراها قلت لحظه قبل ماندخل ودي أطل
الله لايوريكم البيت مظلم من جوا وفي كركبه بالأرض بس انهم حاطين خشبه
ممتده من الباب لين الدرج<< اللي يسمع الوصف يحسب ان المسافه كيلومترات خخخ أقصد أمتار
علطول أعطي الباب مقفاي وقلت لها مع السلامه أنا راجعه البيت ضاع كل الحماس
وهي ماتبي نرجع كذا بعد هالمشوار وبعد كل الأسئله اللي عطيتها
وشجعتني أدخل
وبعد ما اقتنعت قلت بسأل سؤآل وآحد وأخير
في ثعابين جوآ ؟؟
وهي بكل ثقه قالت أكيد لا بس ادخلي
ودخلنا عبورآ بالخشبه بس نسيت ما أصورها لأن الجو مظلم ويخوف نساني التصوير
مدري كيف وصلت الدرج طبعآ بعد مسآعدآت خارجيه وعلطول أطلع ويوم وصلت فوق شفت النور وتجرأت أصور
وهذي صورة الدرج
/
\
/
وهذي قدآم الباب
شكلهم كآنوآ نآوين يجدوون البيت والا وشو له البويه << اشتغلت الأفكآر برآسهآ
/
\
/
كان في غرفه صغيره مررره
وحكوا لي أن زمان كان ينام فيها ١٠ نفر أقصد أشخاص<< لاتشرهون من كثر الهنود عندنا
وهذي هي الغرفه ياويلي ماتكفي نص شخص<< مو مشكله مشوها
/
\
/
من جهه أخرى :)
/
\
/
هذا فزمنهم يسمى (مطبخ)
سبحان الله اشلون كانوا يكرفون فيه !
/
\
/
بعد المطبخ تجينا هالدرج
أتوقع ان اسمها درج إذا ماخاب ظني
وبنت عمي تقول يالله وراي
وانا أنظر إليها باندهاش وحيره
ياهل ترى (تقدر انفآس) تطلع والا لا<< لزوم العربي
وتطلع ماشاءالله عليها بسرعه
وانا وراها أتمسك بيديني ورجولي<<أكيد متخيلين الشكل خخخ
وطلعت مو هينه قدرت أوصل للقمه بعد جهد جهيد وتعليق طبعآ
طولت قرقر ونسيت مآ أوريكم الدرج
/
\
/
ودامني بالقمه نسيت أصور البيت بس لقيت شي جنبي وانا واقفه وصورته
اللي هو هالشي الجميل
/
\
/
وبعدها انشغلت بالمناظر لأن البيت مكشوف من فوق وقمت أصور الجو
كان خطييير
واترككم مع الصور
::
::
هذي بنتي جلستهآ وقمت أصور :)
/
\
/
منآظر من الجبل والضبآب
/
\
/
وهذي صورة البيت من برى
/
\
/
هنآ صوره ثآنيه للبيت بس بعد مآ غطى الضبآب الجبل :014:
/
\
/
بعد ماخلصت الأمطار كانت غزيره وقلنا نرجع قبل لانغرق
وربي شلت هم الدرج
بس الحمد لله عدت على خير<< ماراح أقول لكم الحركه اشلون ههههه
ويوم نزلت الدرج اللي أول شي ووصلت للمكآن المظلم سمعت أصوات حركه مو طبيعيه
جن جنوني وقتها واطالع فبنت عمي واقول لها وش ذآ !!
تقول ماعليك لاتخافين هذي خفافيش
بكل برود :أؤؤؤؤؤؤؤفــ:
وانا كملت مشواري والعصافير تغرد حولنا كل مآمشينا خطوه تطير<< ترى تقصد الخفافيش
وربي حسيت فعلآ ان بين الدرج والباب أميال
وأخيرآ طلعنا وبعد مآ صكينا الباب
بدت لحظات المصارحه تحت المطر
وقالت لي بنت عمي بقول لك شي
كذبت عليك فالبدايه عشان أبيك تدخلين
وانا علامات استفهام وتعجب فوق المظله أقصد فوق راسي
تقول ترى احتمال كبير الا أكيد ان في ثعابين
أنا فهيت حول دقيقتين
<< حاسبتها خخخ
وحرمت أدخله مره ثانيه
مدري وين كان عقلي يوم فكرت أروح له
وبكذآ انتهت رحلتي
طولت السالفه وهي ماتستاهل صح
يالله عساكم استانستوا بالرحله المرعبه
ولآ أوصيكم
هالله هالله بالردود السنعه
ترى تعبت من الكتابه والتحميل
انتظركم ياحلويين
000
الثلاثاء أبريل 07, 2015 7:41 pm
انا *:
.. والله لو انا كان يذحوني ولا ادخل 
ضوابط المشاركة في المنتدى