يا لله تفرجها

يالله تفرجها على ضايق البال
اللي همومه ماتفارق ضميره
أزرى يشيل وحملها كنّه جبال
وماله جدى غير الدموع الغزيره
كنّه في هالدنيا غريبٍ ورحّال
ممساه في ديره وصبحه بديره
راحت حياته كلها إقفاي وإقبال
وأتعب ركابه فالدروب العسيره
حظه وقف من دون تحقيق الامال
ماكنّه إلا جمع جند وذخيره
يبغى عدال الحظ والحظ به مال
يمشي بهالدنيا ويجهل مصيره
كل يوم يقول اليوم للوضع حلاّل
وإن خاب يومٍ قال خيره بغيره
لين إنقضى عمره وهو ضايق البال
وعيّت همومه لاتفارق ضميره