بدر ال زيدان (قاهر قلوب الرجال وقاتل قلوب النساء)
السلام عليكم
مشكورين لمروركم بالصفحة
وخاصة ( البنات )
اول شئ احب اعرفكم علي بدر ال زيدان وهو اعلامي مشهور وهو اكيد غني عن التعريف
و اشتهر وزاد صيته في مجتمعنا وخاصة انه له كثير من المعجبين والمعجبات
ندخل في الموضوع
بس قبل ندخل في الموضوع
(عندي اقرار عن نفسي ابي اقره )
اول شئ ما انكر انه بدر الله انعم عليه بالوسامة وهذا شئ الغالبية العظمي من البنات تتمناه
يعني بالعربي ( يملى عينها جمال )
وانا ما اعترض علي هذا الشئ بالعكس هذه خلفة ربنا
ولا اقدر اتحكم بالقلوب بالناس لانه القلوب بين يدي الرحمن يقلبها كيفما شاء
وندخل في الموضوع
قصة تعارفي بـ بدر ال زيدان
كنت اسمع ببرنامج اسمه كيك وانه العالم كلها طايحة عليه
جا ببالي انه خلينا نشوف ايش هوا الكيك
وهناك تعرفت علي بدر ال زيدان
ولقيت تقريبا اكثر مرتادين لمقطاعه كثير من الشباب من الاولاد والبنات
ولقيت هناك انه في حرب قائمة بين فريق الاولاد وفريق البنات وكانت ومازالت مستمرة
فريق الاولاد :
شخص يكره تعلق البنات الغير طبيعي ببدر ال زيدان وكمان هما واقفين لهم بالمرصاد بجميع انواع الشتمية والمسخرة
لدرجة قذف البنات بالباطل وتسميتهم بالفاظ يعجز اللسان عن ذكره
مدري كيف تجي له الجرأة هذه يكتب ويقول مثل هذه الكلام اللي يخاف علي اخواته يسمعوه ومايخاف علي بنات الناس يسمعوه ؟
اخي الشاب لك الحق تغار فهم اخواتنا وبناتنا وزوجاتنا ولك الحق تبدي رايك بس مو لك الحق تشارك الاخرين عقليتك المريضة
والكلام هذا اقصد به البعض مو الكل
فريق البنات :
وقفوا للاولاد بالمرصاد بكل انواع الشتيمة والدفاع عن فارسهم المنتظر ( بدر ال زيدان )
حتي بعض البنات بايعيين نفسهم بالعربي ويترجوا لو احد يعطيهم او يدلهم فين مكان بدر ال زيدان
لدرجة وحدة تقول:
( المهر والشقة والسيارة والشبكة كله علي بس تجي تتزوجن)
ههههههههه ياشيخة ياريت لو في وحدة زي كذا تعطيني وجه
ولا الثانية تقول: (بدر ال زيدان اصبح قهوتي الصباحية والمسائية ...)
كلمة لصاحبة كوب القهوة ... هل ترغبين بقطتين من السكر ؟؟ ههههههه وتستمر الحياة
اختي الشابة لك الحق ان تعيشي حياتك بس مو لك الحق انك تجاهرين وتشهدي غيرك بحبك لشخص ماهو كان لك
ولا راح يكون وانتي عارفة انه راح يخلق الغيرة بقلب الرجال اللي هوا مثل ماصار بزمن مهند ونساء كثير تطلقوا من ازواجهم لاجل ( الفارس المنتظر مهند سابقا ) ومع الاسف ما انتظرهم وعاشوا حب وهمي وراح وراحت عليهم
جلست مع نفسي وقلت ياترا جيل المستقبل الجديد لفين رايح ؟
وهل انا لو اتزوجت بكرة راح يصير لي مثل اللي نسمع عنهم بالجرائد ونفس اللي صار بعهد الاسطورة مهند ؟
وايش شعور البنت لو صار لها العكس مع زوجها هل ممكن راح تعيش وتكمل حياتها ولا كانه شئ صار ؟
من جد اسئلة كثيرة احترت الاقي جواب لها
ومع ذلك صارت ظاهرة و واقع لابد من العيش معاه
طيب سؤال هل الموضوع يستحق هذه الشتمية والقذف والسخرية من الاولاد
وكمان البنات هل الموضوع بالنسبة لهم كبير لدرجة انه قريت تعاليق بنات بايعات انفسهم لو قلت لدينها بيكون احلي
بس عشان خاطر انسان يتمتع بالجمال ؟؟
والاولاد اكيد كمان ماحد يرضا انه احد يأذي او يطالع باخته في مو بالك بالشتيمة والسخرية والقذف في بنات الناس ؟
من جد احس الموضوع صار حرب وهل تستحق الحرب هذه ان تزهق ارواحها وتكون الضحايا ناس بريئة كازواج او متزوجات ؟؟
هل بدر بحاله يدري عنك او يعلم بوجودك حتي من بين الالف من المعجبات ؟
مثل ماسمعنا بقصة الفتاتين اللي تطلقوا بسبب بدر ال زيدان والكل يعرفها
وانا كمان ما برمي اللوم علي البنات لوحدهم بس والله الزمن غدار
يعني الواحد صار يخاف بكرة يفكر يتزوج ويتكشف انه لزوجته علاقة (تفكير عميق ) ببدر ال زيدان واستوحاش وحب لشخصية تلفزونية مثل ماصار قبل علي زمن مهند لدرجة توصل للمقارنة بيها وبين زوجها
هل بدر ال زيدان هو الفارس المنتظر ؟
ام منقذ البنات والمتزوجات من تسلط ازواجهم ؟
رائي الشخصي انا ما اتكلم عن غيرة او حقد
بالعكس شخص حبوب ويمتاز بالوسامة اللي الله انعم فيها عليه
وانا شخص حيادي لا مع الاولاد ولا مع البنات
فابغا رايكم ,,,
سؤالي للاولاد :
1/ ايش رايك ببدر ال زيدان ؟
وهل فكرت بيوم انك تصير بدر ال زيدان ؟ << لاني سمعت بعض الشباب يتمني شهرته و وسامته للحصول علي المعجبات
2/ هل تقارن نفسك ببدر ال زيدان ؟
لانه من خلال شتيمته والسخرية منه يدل علي نوع من التحدي والمقارنة
فهل انت من هذا النوع ؟
3/ كلمة اخيرة توجهها لبدر ال زيدان .... ؟ بصراحة وبكل شفافية
سؤالي للبنات :
1/ ايش رايك ببدر ال زيدان ؟
2/ ايش يمثلك بدر ال زيدان في حياتك ؟ والسؤال اتمني الجواب يكون صريح
3/ لو شاء القدر ولاقيتي بدر ال زيدان في السوق او المطعم او في أي مكان ايش راح تكون ردة فعلك وبصراحة
4/ كلمة اخير توجهيها لبدر ال زيدان ؟ بصراحة وبكل شفافية
لاتحرموني ردودكم
الثلاثاء أبريل 07, 2015 7:41 pm
انا *:
ضوابط المشاركة في المنتدى